Tuesday, 17 December 2013
Thursday, 25 July 2013
Sunday, 21 July 2013
Monday, 8 July 2013
Friday, 5 July 2013
Sunday, 30 June 2013
Monday, 10 June 2013
Monday, 15 April 2013
Saturday, 13 April 2013
Friday, 22 February 2013
Wednesday, 20 February 2013
Thursday, 7 February 2013
Wednesday, 6 February 2013
Monday, 4 February 2013
Friday, 1 February 2013
Thursday, 31 January 2013
Monday, 28 January 2013
ၶၢင်မိူင်းထႆးၼႄၵၢင်ၸႂ် တုၵ်းယွၼ်းႁႂ်ႈၵိုတ်းပၢင်တိုၵ်းၼႂ်းမိူင်းၶၢင်
ၸၢဝ်းၶၢင် ၸိူဝ်းယူႇသဝ်းၼႂ်းမိူင်းထႆး တင်းမူႇၸုမ်းတႆး ႁူမ်ႈၵၼ်ၵႂႃႇၼႄၵၢင်ၸႂ်သၢၼ်ၶတ်း ပၢင်တိုၵ်းၼႂ်းမိူင်းၶၢင်၊ တုၵ်းယွၼ်းႁႂ်ႈၶႄႇ/ဢမႄႊရိၵၼ်ႊ မိပ်ႇမၢၼ်ႈၵိုတ်းယိုတ်း ပၢင်တိုၵ်းၼႂ်းမိူင်းၶၢင်။ပၢင်ၼႄၵၢင်ၸႂ်ၼႃႈလုမ်းၽွင်းတၢင်ၶႄႇ ၵဵင်းမႆႇ
ဝၼ်းထိ 25/01/13 (မိူဝ်ႈၼႆႉ) ယၢမ်း 09:30 မူင်း ၸၢဝ်းၶၢင်ၼႂ်းမိူင်းထႆး လၢႆမူႇလၢႆၸုမ်း၊ ႁူမ်ႈပႃး ၸုမ်းတူင်ႉၼိုင်တူင်ႇဝူင်း တႆး မိူၼ်ၼင်ႇၸုမ်းၵပ်းသၢၼ်လွင်ႈၼၢင်းယိင်းတႆး၊ ၸုမ်းသိင်ႇဝႅတ်ႉလွမ်ႉတႆး ႁူမ်ႈၵၼ်ၵႂႃႇၼႄၵၢင်ၸႂ် ၼႃႈလုမ်းၽွင်း တၢင်ၶႄႇ ၼႂ်းၵဵင်းမႆႇ မိူင်းထႆး။ ၼႄၵၢင်ၸႂ်သၢၼ်ၶတ်းပၢင်တိုၵ်း ၼႂ်းမိူင်းၶၢင် လႄႈ တုၵ်းယွၼ်းထိုင်လူင်ပွင်ၸိုင်ႈၶႄႇ 3 ၶေႃႈ၊ မီးၵူၼ်းၶဝ်ႈႁူမ်ႈတင်းမူတ်းမွၵ်ႈ 150 ၵေႃႉ။ၶေႃႈတုၵ်းယွၼ်းၼၼ်ႉ 1.ႁႂ်ႈတဵၵ်းဢီးလူင်ပွင်ၸိုင်ႈမၢၼ်ႈ တင်းတပ်ႉသိုၵ်းမၢၼ်ႈ ပိုတ်ႇၵၢၼ်ဢုပ်ႇဢူဝ်းတၢင်းၵၢၼ်မိူင်း ဢၼ်ၸိုၼ်ႈၸၢင်ႇ၊ ပိူဝ်ႈတႃႇၵႄႈလိတ်ႈလွင်ႈယုင်ႈယၢင်ႈ ၼႂ်းမိူင်းၶၢင်။ 2.ႁႂ်ႈပိုတ်ႇပၼ် တိုဝ်ႉတၢင်း ၵူၼ်းပၢႆႈၽေးၸၢဝ်းၶၢင် လႆႈၶဝ်ႈပိုင်ႈဢိင်ၸွမ်းလႅၼ်လိၼ်မိူင်းၶႄႇ ပိူဝ်ႈတႃႇႁႂ်ႈမီးလွင်ႈႁူမ်ႇလူမ်ႈလွတ်ႈၽေး။ 3.ႁႂ်ႈပိုတ်ႇပၼ်တိုဝ်ႉတၢင်းၸုမ်း ၸွႆႈထႅမ်ၵူၼ်းပၢႆႈၽေးၼွၵ်ႈမိူင်း ၶဝ်ႈမိူဝ်းၸွႆႈထႅမ်ပၼ်ၵူၼ်း ပၢႆႈၽေးၼႂ်းမိူင်းၶႄႇ ၸိူဝ်ႈၼႆႉ။ပၢင်ၼႄၵၢင်ၸႂ်ၼႃႈလုမ်းၽွင်းတၢင်ၶႄႇ ၵဵင်းမႆႇ
ဝၢႆးၼႄၵၢင်ၸႂ်မွၵ်ႈၶိုင်ႈၸူဝ်ႈမူင်းပၢႆယဝ်ႉ မီးၸဝ်ႈၼႃႈတီႈၼႂ်းလုမ်းၽွင်းတၢင်ၶႄႇ ဢွၵ်ႇမႃးႁပ်ႉၽိုၼ်လိၵ်ႈ ဢၼ်ၸၢဝ်းၶၢင် တုၵ်းယွၼ်း။ ဝၢႆးၼၼ်ႉ သိုပ်ႇၵႂႃႇၼႄၵၢင်ၸႂ် ၼႃႈ လုမ်းၽွင်းတၢင်ဢမႄႊရိၵၼ်ႊ ၼႂ်းၵဵင်းမႆႇ ဢၼ်မီးႁိမ်းၾင်ႇၼမ်ႉပိင်း ထႅင်ႈ။
တုၵ်းယွၼ်း 5 ၶေႃႈ- 1.ႁႂ်ႈၸွႆႈထႅမ်ပၼ်ၵူၼ်းဝၢၼ်ႈပၢႆႈၽေး ၸိူဝ်းမီးယူႇၼႂ်းပၢင်သဝ်းၵူၼ်းပၢႆႈၽေးႁိမ်းလၢႆႇၸႃႇလႄႈ ၸွမ်းလႅၼ်လိၼ်ၶၢင်-ၶႄႇ။ 2.ႁႂ်ႈၸႂ်ႉတိုဝ်းၶိုၼ်းပေႃႇလသီႇ ႁႅတ်ႉၵၢၼ်မၢၵ်ႈမီး တေႃႇမိူင်းမၢၼ်ႈ ဢၼ်ဢမႄႊရိၵၼ်ႊ လူတ်းယွၼ်ႇပၼ်။ 3.ႁႂ်ႈမိပ်ႇဢီးလူင်ပွင်ၸိုင်ႈၶႄႇ ဢၼုၺၢတ်ႈပၼ်ၸုမ်း UNHCR မိူဝ်းတင်ႈလုမ်းၸွမ်းလႅၼ်လိၼ်ၶၢင်-ၶႄႇ ပိူဝ်ႈတႃႇၸွႆႈထႅမ်ၵူၼ်းပၢႆႈၽေး။ 4.ႁႂ်ႈသူၼ်းဢီး ဢဝ်လိူင်ႈၶၢင် ပဵၼ်ၶေႃႈဢုပ်ႇဢူဝ်းၼႂ်းပၢင်ၵုမ်ၸၢတ်ႈၸိုင်ႈၽွမ်ႉႁူမ်ႈ (UN) ။ 5.တုၵ်းယွၼ်းႁႂ်ႈ လူင်ပွင်ၸိုင်ႈမၢၼ်ႈ ပိုတ်ႇၵၢၼ်ဢုပ်ႇဢူဝ်းလွင်ႈငမ်းယဵၼ် တင်းမိူင်းပတ်းပိုၼ်ႉၸိူဝ်းၼႆႉ။
ပၢင်ၼႄၵၢင်ၸႂ်ၼႃႈလုမ်းၽွင်းတၢင်ၶႄႇ ၵဵင်းမႆႇ
တီႈလုမ်းၽွင်းတၢင်ဢမႄႊရိၵၼ်ႊၼႆႉ ဝၢႆးၼႄၵၢင်ၸႂ်ယဝ်ႉ ၸဝ်ႈၼႃႈတီႈလုမ်းၽွင်းတၢင်ၶဝ် ဢွၵ်ႇမႃးႁွင်ႉဢဝ်တူဝ် တႅၼ်းၶၢင် ၶဝ်ႈမိူဝ်းၼႂ်းလုမ်းၽွင်းတၢင်သေ ႁပ်ႉဢဝ်ၽိုၼ်လိၵ်ႈတုၵ်းယွၼ်းၵႂႃႇ။ၼႂ်းပၢင်ၼႄၵၢင်ၸႂ်ၼၼ်ႉ မီးၽူႈသိုဝ်ႇၶၢဝ်ႇၼႂ်းမိူင်းထႆး လႄႈတင်းၼွၵ်ႈမိူင်းၶဝ်ႈႁူမ်ႈတင်းၼမ်။ မီးၸဝ်ႈၼႃႈတီႈပလိၵ်ႈထႆး ပႂ်ႉဢဝ်ႁူမ်ႇလူမ်ႈတင်းၼမ်ၼင်ႇၵဝ်ႇ။
ပၢင်ၼႄၵၢင်ၸႂ်ၼႃႈလုမ်းၽွင်းတၢင်ဢမႄႊရိၵၼ်ႊ
လိူဝ်သေၶေႃႈတုၵ်းယွၼ်းၼၼ်ႉ ၽူႈၼႄၵၢ င်ၸႂ်ၶဝ်ဢၢၼ်ႇၼႄ ၽိုၼ်လိၵ်ႈပႃးဝႃႈ သိုၵ်းမၢၼ်ႈတင်းသိုၵ်းၶၢင်ၼႆႉ တိုၵ်းၵၼ်မႃးတႄႇၵၢင်ပီ 2011 ၊ ယွၼ်ႉပၢင်တိုၵ်းသေ ႁဵတ်းႁႂ်ႈၵူၼ်းမိူင်းၶၢင် 100,000 ပၢႆ ပႃးၸဵမ်ၼၢင်းယိင်း/လုၵ်ႈ ဢွၼ်ႇ/ၵူၼ်းထဝ်ႈ လႆႈပၢႆႈၽေးသိုၵ်း။ လိူဝ်သေၼၼ်ႉ သိုၵ်းမၢၼ်ႈယင်းမီး ၵၢၼ်ၽဝ်ႁိူၼ်းၽဝ်ဝၢၼ်ႈ လႄႈပူၼ်ႉပႅၼ် သုၼ်ႇလႆႈၵူၼ်း မိူၼ်ၼင်ႇၵၼ်ႉၸၼ်လူလၢႆၼၢင်းယိင်း၊ တိၺွပ်းပေႃႉထုပ်ႉၵူၼ်းဝၢၼ်ႈၸိူဝ်းၼႆႉ- ဝႃႈၼႆ။ပၢင်ၼႄၵၢင်ၸႂ်ၼႃႈလုမ်းၽွင်းတၢင်ဢမႄႊရိၵၼ်ႊ
Friday, 25 January 2013
Thursday, 24 January 2013
Friday, 18 January 2013
Thursday, 17 January 2013
.jpg)
Tuesday, 15 January 2013
Monday, 14 January 2013
Subscribe to:
Posts (Atom)